--Ads--
Napaay ti Senate minority a mangtignay ti panangrugi ti “trial” ni impeached Vice President Sara Duterte kalpasan a nagkedked ti kaaduan a senador iti nasao nga addang.
Pormal a nagmosion da Senador Aquilino “Koko” Pimentel ken Senador Risa Hontiveros a mairugi ti opening rites ti trial ni Duterte iti plenario ti Senado babaen ti panangdakamatda a nataktak ti proseso iti adu a bulan.
Dinakamatda pay ti 1987 Constitution a nakamandato iti Senado a “proceed forthwith” iti trial ti maysa nga impeached official.
Nupay kasta, saanda a nagballigi a mangrugi ti trial idi kalman.
