Manarimaan ti preparasyon ni Gwendoline Meliz Soriano, ti Miss Baguio 2024 ken Miss Universe Philippines Baguio City 2025 representative.
Iti panakiuman ti Bombo Radyo, kinunana nga ikarkarigatanna kaduana ti teamna nga agsanay ken agsagana para iti maangay a Ms. Universe Philippines.
Sigun kenkuana ti press presentation ti nasao a beauty pageant ket inton Pebrero a kinse.
Kas representative iti siyudad ti Baguio, impaganetget daytoy a ti agtultuloy nga adbokasiyana ket ti panangitandudo iti culture ken arts iti siyudad ti Baguio.
Imbinglayna pay a maysa nga ipangpangruna daytoy ket ti empowerment dagiti ubbing ken agtutubo.
Malaksid iti dayta, inyebkasna metlaeng a panggep daytoy a tulungan dagiti saan unay a privileged nga ubbing ken agtutubo babaen kadagiti nagduduma nga outreach programs nga ipatpatungpal dagitoy.
Gapu iti dayta, mangnamnama daytoy a makatulong ti panggepda para iti empowerment dagiti agtutubo.
Innayonna pay a nupay posible nga adu dagiti parikut a mabalinna a sanguen, mangnamnama met daytoy a maibagina a nasayaat ti siyudad ti Baguio.
Gapu iti dayta, kidkiddawenna ti suporta dagiti residente ken ti publiko iti siyudad ti Baguio.
