BAGUIO CITY – Naituding a sumangbay iti probinsya ti Benguet dagiti amin a kandidata ti Miss Universe Philippines 2020 inton October 15-16.
Sigun kenni Governor Melchor Diclas, makatulong ti panagbisita dagiti nasao a kandidata iti panakaital-o ti probinsya.
Kinunana a maisayangkat ti photoshoot dagiti kandidata iti Benguet Provincial Capitol, iti strawberry field ti La Trinidad ken iti Mount Costa.
Maaddaan pay dagitoy iti aktibidad sadiay Baguio Country Club.
Sarabuen met ti provincial government ken dadduma nga stakeholdes dagiti sumangbay a kandidata babaen iti tradisyonal a sala dagiti Igorot.
Dinakamat ti gobernador a nakikoordinarda metten iti Cordillera Police tapnu maipanamnama a masurot dagiti pagalagadan.
Naamuan a ti aktibidad ket inisyatibo ni ACT-CIS Representative ken Benguet Caretaker Eric Go Yap.
Maipalagip nga maisayangkat kuma ti coronation night ti Miss Universe Philippines 2020 idi May 3 ngem naitantan inton Oktober 25 gapu iti COVID-19 pandemic.
