--Ads--
BAGUIO CITY – Naipisok iti Baguio City Jail ti miembro ti maysa a local drug group a kinemmeg dagiti anti-narcotics agents ti Philippine Drug Enforcement Agency Cordillera ken pulisya iti impatungpalda a buy-bust operation iti asideg ti maysa a panganan sadiay Salud Mitra Barangay, Baguio City idi kalman.
Nabigbig daytoy a ni Jessery Calatan Maglaya alyas “Kuya,” 26, ken residente ti Sitio Sabkil, Barangay Loakan, Itogon, Benguet.
Nakemmeg daytoy kalpasan a nagilako iti maysa a heat-sealed transparent plastic sachet a naglaon iti maatap a shabu nga aggatad iti limaribu a pisos iti maysa a PDEA-CAR undercover agent.
Iti agdama ket sumangsango daytoy iti kaso a panaglabsing iti Comprehensive Dangerous Drugs Act of 2002.
