Impakaammo ti Game developer Moonton a temporaryo a nasuspendir ti Mobile Legends: Bang Bang idiay Estados Unidos nangrugi ita nga aldaw, January 19, 2025.
Daytoy ket kagiddan ti pannakaikkat ti TikTok iti nasao metlaeng a pagilian.
“Due to circumstances beyond our control, access to Mobile Legends: Bang Bang in the US will unfortunately be temporarily suspended starting January 19, 2025,” MLBB said.
Sigun iti Moonton, nupay saan a ma-access ti serbisyo dagitoy idiay Estados Unidos ket ginuyogoyda latta dagiti users a bisitaenda ti official community channels dagitoy para iti sumarsaruno nga updates.
Impanamnamada kadagiti players nga ikagumaanda nga isubli ti Mobile Legends nga ay-ayam idiay Estados Unidos iti kabiitan a panawen.
Impasiguradoda pay a nupay temporaryo a nasuspendir ti Mobile Legends: Bang Bang ket saan a masuspendir wenno madelete ti account dagiti users.
Agtaltalinaed met nga accessible ti nasao nga ay-ayam iti dadduma a rehiyon ken pagilian.
