Inwaragawag ni United States President Donald Trump a mangipatumpal ti Estados Unidos ti naval blockade idiay Strait of Hormuz kalpasan iti napaay a peace talk iti nagbaetan ti Iran ken dadduma a pagilian a napasamak idiay Islamabad, Pakistan.
Iti pablaak daytoy iti Truth Social, impetteng ni US President Donald Trump a dagos a marugian ti US Navy blockading iti amin a barko nga umuneg ken rumwar iti Hormuz.
Sigun kenkuana, daytoy ket tapno malapdan ti Iran iti panangkolekta ti “illegal toll” manipud kadagiti barko.
“Effective immediately, the United States Navy, the Finest in the World, will begin the process of BLOCKADING any and all Ships trying to enter, or leave, the Strait of Hormuz,” sigun kenni Trump.
Innayon pay ni Trump a makipaset metlaeng ti dadduma pagilian iti nasao a blockade ken saanda a palubosan agnumnumaar ti Iran iti mannarimaan nga sitwasyon bayat nga apektado dagiti dadduma a pagilian.
Nagbalaag pay daytoy nga harangen ti United States Navy amin a barko iti international waters nga agbaybayad ti toll iti Iran kasukat iti panagdalanda iti Strait of Hormuz.
“At some point, we will reach an ‘ALL BEING ALLOWED TO GO IN, ALL BEING ALLOWED TO GO OUT’ basis, but Iran has not allowed that to happen by merely saying, ‘There may be a mine out there somewhere,’ that nobody knows about but them,” he said. “THIS IS WORLD EXTORTION, and Leaders of Countries, especially the United States of America, will never be extorted,” sigun iti pablaak ni Trump.
