BAGUIO CITY- Agtultuloy ti monitoring dagiti otoridad sadiay Palma Urbano barangay maipapan kadagiti mapaspasamak a gulo kadagiti agtutubo.
Iti panakiuman ti Bombo Radyo kenni Brgy. Kagwad Felix Bucio, ti Peace and order committee, kinunana nga agtultuloy ti panagbantay dagitoy iti aglawlaw ti nasao a munisipyo kas kadagiti pedestrian area, dagiti pagadalan ken daduma pay tapno maliklikan dagiti nasao nga insidente.
Sigun kenni Bucio, kaadoan met kadagiti mairamraman kadagiti gulo ket dagiti out-school youth rason a mapalpalagipan dagitoy a saanda nga agstandby ken ti nasken a panagawidda a dagus.
Innayon ni Bulcio nga iti nasao a pakaseknan ket makikokordinarda met kadagiti otoridad tapno masigurado nga awan ti madangran nga agtutubo.
Kabayatanna, nagpalagip ni Bucio kadagiti estudyante a kalpasan ti panagadalda ket dagusda nga agawid kasta met a makidkiddaw ti koordinasyon dagiti nagannak para iti panangkitada kadagiti annak dagitoy.
Maal-allukoy met ti publiko ti dagus a panangireportda kadagiti otoridad no adda dagiti pasamak a paanakadangran dagiti agtutubo.
