Agtaltalinaed a nainget ti panag-monitor dagiti otoridad, nangruna kadagiti parke kontra kadagiti agpalpalama, ken kadagiti mangidiaydiaya iti serbisyo kas iti masahe, henna tattoo, pedicure ken manicure.
Sigun paylaeng kenni Police Major Kurt Pacificar,manarimaan a maipatpatumpal ti executive order tapno maliklikan ti kapada nga insidente iti parke.
Malaksid iti dayta, kinuna ni Pacificar a maipawil metlaeng nga agtalinaed wenno agturong sadiay dagiti adda iti impluwensya iti arak nu sadino, maasistaran ken mabilin dagitoy nga agawid.
Mabalin a maiturong metlaeng dagitoy iti Baguio City Police no saandan a kabaelan pay ti agawid para iti naan-anay a panagginana dagitoy.
Iti sabali a bangir, awan ti natiliwan dagiti otoridad nga agkatangkatang nga agtutubo iti Burnham Park nu madanonen ti curfew hour.
Sigun kenni Pacificar, daytoy ket gapu ta maiparparikep dagiti pagpasyaran pakairamanan iti Burnham Park tunggal curfew hour, rason nga awan ti makita nga agtutubo nga agkaiwara kadagitoy.//mp4
