Kinumpirmar ti Philippine Coast Guard (PCG) idi laeng kalman ti kaadda ti aw-awagan ti China Coast Guard a ”monster ship” dagitoy asideg ti Luzon.
Iti maysa nga statement, kinuna ti Philippine Coast Guard (PCG) a naimatangan ti bunggoy ti China Coast Guard vessel 5901 iti lima pulo ket uppat a nautical miles ti kaaddayona manipod iti Capones Island, Zambales usarda ti Dark Vessel Detection System ti Canada.
Kalpasannna, nangipatulodda iti BRP Cabra, maysa a helikopter, ken ti PCG Caravan a nangkumpirmar nga adda iti lugar ti Chinese vessel wenno barko ti China.
Kinarit pay ti Philippine Coast Guard (PCG) ti presensia ti China Coast Guard babaen ti panangipapilit a ti barko ket adda iti uneg ti exclusive economic zone (EEZ) ti Pilipinas.
Kalpasan ti sumagmamano nga oras, ti barko ket nagturong iti laud ken naudi a naimatangan iti walo pulo ket lima a nautical miles ti kaadayona manipod iti Zambales.
Immuna a naireport ti presensia ti nasao a barko babaen kenni security analyst Ray Powell.
Ti ”monster ship” ket agdagsen iti sangapulo ket dua a tonelada, a maminlima nga ad-adu ngem ti dua a kadakkelan a barko ti Philippine Coast Guard (PCG).
