Narekober ti kapulisan ti motor a natakaw idi August 16, 2026, kasta metlaeng ti Regional Highway Patrol Unit a nakaparada nga “unattended” iti igid ti kalsada sadiay San Vicente, Baguio city.
Ti nasao a motor a narekober ket naiturung iti kustodiya ti Regional Highway Patrol Unit para ti macro-etching examination.
Kabayatanna, idi August 28, nabaelan ti BCPO Station 8 a nakemmeg ti 13 anyos a lalaki, out of school youth ken residente ti San vicente, Baguio City.
Bayat ti pannakatiliw ti menorde edad, nakumpiskar ti nagduduma a susi manipud kenkuana a mapapati a naaramat kadagiti naduma-duma a motor vehicles ken motorsiklo.
Apaman a nadamag ti kapulisan dagiti nakumpiskar a susi, nakikoordinar a dagus ti imbestigador manipud ti BCPO S10 iti BCPO S8.
Impakitada dagiti susi iti complainant no sadinno maysa kadagiti susi ti positibo a nabigbig daytoy.
Nagturung ti BCPO S10 ken BCPO S8 kasta metlaeng ti complaiant iti RHPU office tapno ipadasda ti tulbek
Positibo metlaeng a binigbig ti complaiant ti motor a narekober.
Bayat ti backtraking ken panagreviewda iti CCTV footages kadagiti nakainstall a CCTVS ti City Government of Baguio, kasta metlaeng kadagiti private CCTVs partikular iti Kennon Road ken San Vicente, nakita ti maysa a lalaki nga aglanglanga a minor.
Ti physical appearace ti minor a nakita iti CCTV ket agpada iti nakemmeg ti BCPO s10 gapu iti maatap a panaglabsingna iti RA 10883 wenno New Anti-Carnapping Act of 2016.
Gaputa minor ti involved, saan metten nga interesado nga agipila ti kaso ti complainant kontra iti daytoy.
Naisubli metten ti motor iti complainant, agsipudt ar-aramatenna daytoy kas delivery rider.
Maipalagip nga idi August 16, 2026 iti parbangon, natakaw ti motor ti complainant a maysa a delivery rider iti residential parking area daytoy sadiay Dontogan, Baguio city.
Imbatina a kasusi ti motorna iti parkinganda ken nakitana pay daytoy sakbay a naturug.
Ginundawayan met daytoy ti agtatakaw nga intaray.//Bombo Noveh Organo
