--Ads--
Inlawlawag ti Department of Health (DOH) a dagiti kaso ti monkeypox a namonitor iti pagilian ket ti Clade II variant, ti mild variant ti nasao a sakit.
Impanamnama ti nasao nga ahensia nga agbantayda tapno malapdan ti panagserrek ti makaakar a Clade 1b variant iti pagilian.
Sigun kenni Health Secretary Ted Herbosa, amin a nailista ket ti mpox Clade II ken kinunana nga awan pay ti nairekordda nga mpox Clade 1b.
Kinuna pay ti nasao nga opisial a dadduma kadagiti natay a nairekordda ket saan a pimmusay gapu iti mpox, no di ket gapu kadagiti komplikasion nga intunda ti advanced human immunodeficiency virus wenno HIV.
Ti kaudian a nairekord nga addaan ti kaso ti monkeypox ket residente manipod Maco, Davao de Oro, a nakarekober iti agdama.
