Indeklara iti World Health Organization a saan nga international health emergency itan ti Mpox.
Daytoy ket kasaruno ti panagreport dagiti eksperto iti panagbaba iti kaso ti nasao a sakit kadagiti lugar a naririsgu iti daytoy partikular idiay Africa.
Sigun iti direktor iti WHO, naobserbaranen ti panagbaba iti kaso ti Mpox idiay Congo ken daduma pay a lugar kas iti Burundi, Sierra Leone ken Uganda.
Nupay kasta, inlawlawag ti nasao nga organisasyon nga agtaltalinaed latta kas public health concern iti sangalubungan ti nasao a sakit, nadowngrade laeng daytoy maitunos iti rekomendasyon iti Emergency Committee.
Maipalagip nga Agosto idi napalabas a tawen ket indeklara ti United Nations ti highest level of alert iti Mpox kasaruno ti panagraira iti baro a klase daytoy a nagwaras idiay Congo ken kadagiti kabangibangna a pagilian.
