Nakoronaan ni Krishnah Gravidez manipud Baguio City kas Miss World Philippines 2024 iti kaleppas a coronation night iti Mall of Asia.
Malaksid iti dayta, naiyawid met laeng ni Gravidez dagiti daduma a pammadayaw kas iti Best in Swimsuit, Miss Photogenic, Best in Evening Gown, ken daduma pay.
Nabigbig met ni Jasmine Omay manipud Tarlac Province kas Miss World Philippines 2024 1st Princess bayat a ni Sophia Bianca Santos manipud Pampanga ti Miss World Philippines 2024 2nd Princess.
Kabayatanna, nakipaset ni agdama a Miss World Krystyna Pyszková iti coronation night ti Miss World Philippines 2024 bayat a nagserbi da Billy Crawford, Maria Gigante, Teejay Marquez ken Emmanuelle Vera kas host.
Maipalagip a ti Miss World Philippines 2023 ket ni Gwendolyne Fourniol.
