Impablaak ti Department of Agriculture (DA) ti panggepna a panangibaba ti maximum suggested retail price (MSRP) ti imported rice iti P2 tunggal kilo mangrugi iti sumaruno a bulan, kalpasan ti panagbaba ti presio dagiti kangrunaan a gagatangen iti global market.
Sigun iti DA idi kalman, panggepda a kessayan ti MSRP ti imported rice iti P43 tunggal kilo mangrugi inton Hulio 1, 2025 manipud iti agdama a P45 tunggal kilo a napasamak idi Marso 31, 2025.
Maibasar iti kaudian a datos manipod iti price monitoring show ti DA, ti presio ti imported commercial rice idiay Metro Manila ket agay-ayam manipod iti P39.83 tunggal kilo agingga P58.65 tunggal kilo.
Maipalagip nga iti sidong ti Executive Order 62 a pinirmaan ni President Ferdinand “Bongbong” Marcos Jr., ken naipaulog idi June 2024, bimmaba ti tariff rates para iti bagas iti 15% agingga iti 2028 manipud iti 35% idi napalpalabas a tawen.
