--Ads--
BAGUIO CITY – Maituloy ita nga aldaw ti Baguio Benguet Educational Athletic League (BBEAL) Muay Thai Competition kalpasan a naitantan idi kalman.
Maangay ti kompetisyon sadiay Igorot Garden ditoy siudad ti Baguio a pasetan dagiti atleta a nagtaud iti nagduduma a kolehio ken unibersidad iti siudad ti Baguio ken probinsia ti Benguet.
Sigun ken ni Brian Olod, presidente ti Muay Thai Association of the Philippines – Baguio Chapter, dagiti mangabak iti nasao a kompetision ket makipaset iti Muay Thai National Open a maangay inton bigat agingga inton Dominggo.
Kinunana a manamnama a dumanon iti 205 a partisipantes a pakairaman dagiti nagtaud iti national team ti makipaset iti national open.
