BAGUIO CITY – Mangibangon ti lokal a gobyerno ti Baguio City iti multi-million isolation center-cum-health center sadiay Bayan Park ditoy siudad.
Sigun kenni City Administrator Bonifacio dela Pen֮a, addaan kalawa a 300-square meter ti pasdek a pakaipatakderan ti 3-storey a proyekto nga agserbi kas isolation facility uray pay malpasen ti pandemya.
Imbinglayna nga agarup P10-M ti pundo nga inlatang ti Department of Health ken P8-M met ti inlatang a pundo ti lokal a gobyerno ti Bayan para iti pakaimuntar ti nasao a pasilidad.
Kabayatanna, imbilin ni Baguio City Mayor Benjamin Magalong ti panangisagan ti City Buildings and Architecture Office iti plano da para iti panakaipatakder ti estruktura nga aggatad iti P25-M.
Mainaig iti daytoy, maaramat dagiti nasao a plano iti panagkiddaw ti kanayunan a pondo kadagiti maseknan nga ahensia ken mammanday linteg a kayatda a mangtuloy iti panakaimplementar dagiti priority development projects ti siudad.
