Nakasaganan ti munisipalidad ti Bokod, Benguet para iti manamnama a panagraira ti La Niña.
Iti panakiuman ti Bombo Radyo kenni Mayor Thomas K. Wales Jr., nakasaganan dagiti evacuation area, heavy equipments, first aid kits ken daduma pay nga alikamen a mausar bayat ti La Niña.
Malaksid iti dayta, bambantayanda metten dagiti landslide prone areas tapnu masigurado ti kinatalaged dagiti umili kasta met ti lebel ti danum ti Ambuklao dam tapnu ammoanda nu mangibulosda ti danum wenno saan pay.
Kinuna ni Wales Jr. a dakkel a karit dagiti rough road idiay Bokod, Benguet a mabalin a mangitunda ti parikut kadagiti agdaldalyasat a residente nangruna kadagiti estudyante.
Kabayatanna, impakaammo ti nasao nga opisyal a kanayon met daytoy nga agpalpalagip kadagiti umili ti Bokod tapnu agsagana dagitoy para iti manamnama a paniempo ti La Niña.//Bombo Jerwin Aquino
