Ipampannakel ti La Trinidad tourism ti agrikultura dagitoy, sigun kenni La Trinidad Tourism Officer Valred Olsim.
Sigun kenni Olsim, saan laeng a nabaknang ti agrikultura ti munisipyo ti La Trinidad kadagiti nagduduma a natnateng ken strawberry nu diket pakairamanan daytoy dagiti garden nga adda iti ruar ti urban area kas kadagiti ornamentals ken agri eco-tourism parks.
Innayunna pay nga ado ken namaris dagiti mabalin a ma-experience dagiti turista iti panagbisitada iti nasao a munisipyo.
Iti agdama, adda iti down season ti turismo ti La Trinidad gapu iti panagtutudo ken gapu iti nadagsen a gunay ti trapiko a resulta ti construction ti kalsada a mapaspasamak.
Nupay kasta, namnamaenda ti panagngato ti bilang dagiti turista iti maudi a quarter ti agdama a tawen.
