Nakaruaren iti Pilipinas ni Mylah Roque, asawa ni sigud a presidential spokesperson Harry Roque.
Daytoy ket kinumpirmar ni Bureau of Immigration (BI) Immigration spokesperson Dana Sandoval ita nga aldaw iti tengga ti pammilin manipod iti QuadComm a makemmeg daytoy kalpasan a saan a nagparang iti agtultuloy nga imbestigasion iti krimen nga adda pakainaiganna iti Philippine Offshore Gaming Operators (POGO).
Naibilin kenni Sandoval a kumpirmarennna nu nakapanaw ni Mylah iti Pilipinas idi Setiembre 3, ket kinumpirmarna a nakapanaw daytoy.
Sigun kenni Sandoval, naipaulog ti Immigration Lookout Bulletin Order (ILBO) kontra kenni Mylah idi Setiembre 16, ngem naamuanda a nakapanaw daytoy idi Setiembre 5, umuna a lawas sakbay ti diskusion seknan kadagiti “requirements” a rumbeng a maisubmitir iti nasao a komite.
Dagos met daytoy a nakadanon kenni Harry Roque.
Kabayatanna, awan met namonitor ti BI nga aniaman a travel history ni Harry Roque.
Maipalagip a pinaglibakan ni Roque ti akemna iti iligal nga operasion ti POGO, ngem inaklonna a nangipaay ti legal counsel iti Whirlwind Corporation, ti agtagikua iti daga a nakaisaadan ti na-“raid” a hub sadiay Porac, Pampanga, maysa a lugar a nakakitaan dagiti otoridad nga adda ti maar-aramid nga iligal nga aktibidad kas iti “torture” ken “scam hubs.
Agpada a lugar ti Porac a nakaibangonan ti Lucky South 99.
