Napalubusan metlaeng ni Special Envoy on Transnational Crimes Ambassador Markus Lacanilao sumagmamano nga oras kalpasan ti panagdengngeg ti Senado seknan iti pannakakemmeg ken panagturong iti International Criminal Court ni sigud a President Rodrigo Duterte.
Sigun kenni Senador Imee Marcos, imbilin ni Senate President Francis Escudero ti pannakawaya-waya ni Lacanilao.
Kinuna ni Senador Imee a nagkedked ni Senate President Chiz Escudero a mangpirma iti contempt order, iti baet nga inulit-ulit ni Lacanilao nga agulbod iti sanguanan ti Senate Committee on Foreign Relations.
Inaklon ni Senador Imee a naupay isuna ken patienna a napeggad ti addang.
Kinuwestunar pay ti nasao nga opisial ti turay ti Senado ken nu ania ti serbi ti imbestigasion.
Patienna a ti panagkedked ni Senador Escudero iti contempt order ket panaginsulto iti Committee on Foreign Relations.
Maipalagip a bayat ti panagdenggeg ti Senate foreign relations committee idi kalman, na-cite in contempt ni Lacanilao gapu iti maulit-ulit a panangilibakna iti pannakaammo seknan iti pannakakemmeg ni sigud a President Rodrigo Duterte.
(Special envoy cited in contempt ordered released by Chiz, says Imee)
