BAGUIO CITY – Nadiskubre ti militar ti abandonado a pagkutkutaan dagiti rebelde a New People’s Army sadiay Brgy Ableg, Daguioman, Abra itay laeng nabiit.
Segun iti 24th Infantry Battalion, Philippine Army, nadiskubreda ti abandona a kampo dagiti makakanigid a grupo a maatap a nagnaedan dagitoy kabayatan ti panangrecruit-da kadagiti residente ti nasusulinek a lugar iti nasao a munisipyo.
Impanamnama ti militar nga agtultuloy ti operasyonda iti panakibinnadang ti pulisya kas paset ti naingetan a seguridad sadiay tapnu malapdan dagiti aktibidad nga ipatpatungpal ti rebelde a grupo.
Innayunda a mangipatungpalda iti naing-inget a checkpoints tapnu maipanamnama ti kinatalged ken seguridad dagiti umili iti nasao a munisipyo ken iti intero a probinsya ti Abra.
Kagiddan iti daytoy ket ginuyugoyda ti publiko a makitinnulong tapnu mapaksiat dagiti grupo a mangisaksaknap iti kinaranggas.
———————— Filipino translation —————
BAGUIO CITY – Nadiskubre ng militar ang abandonadong pinagkukutaan ng mga rebelde sa New People’s Army sadiay Brgy Ableg, Daguioman, Abra.
Ayon sa 24th Infantry Battalion, Philippine Army, nadiskubre nila ang abandonadong kampo ng rebeldeng grupo na hinihinalang tinirhan nila habang nagre-recruit sa mga residente sa liblib na lugar sa nasabing munisipyo.
Tiniyak naman ng militar na patuloy ang kanilang operasyon sa pakikipagtulongan ng pulisya upang mahigpitan ang seguridad doon at mapigilan ang aktibidad na ginagawa ng rebeldeng grupo.
Dagdag pa niya, magpapatupad din sila ng mahigpit na checkpoints upang masigurado ang seguridad ng mga residente sa munisipyo at sa buong lalawigan ng Abra.
Hinikayat din nito ang publiko na makipagtulongan upang mapuksa ang grupo na naghahasik ng karahasan.
