Idagdagadag manen ni Benguet Congressman Eric Yap ti panakaamyendar ti Disaster Risk Reduction and Management Act of 2010 (RA 10121) bayat ti lamay dagiti dua nga empleyado ti Benguet Provincial Engineering Office (PEO).
Sigun kenkuana, nasken a mai-update daytoy no sadino panggepna a naan-anay ti proteksyon para kadagiti agserserbi iti frontlines kasaruno paylaeng ti ipupusay da Redentor Roldan ken Rex Gayang bayat ti clearing operation dagitoy.
Maipalagip a pimmusay dagitoy kalpasan a natnag ti naglugananda a loader iti 100 a metro a rangkis bayat ti clearing operation dagitoy sadiay La Trinidad, Benguet.
Kinunana ti nasao nga opisyal a nasken a maamyendaran daytoy tapno no adda dagiti kapada a kaso ket ti maseknan nga ahensya ti mangbaklay iti responsibilidad iti panagbayad iti financial assistaance rason a nasken a mangilatang ti national government iti pundo para iti daytoy.
Gapu iti dayta, naituding a mangipila daytoy iti gakat a mang-amyendar iti RA 10121, partikular ti section 13 wenno ti naan-anay a proteksyon dagiti front liners.
Innayonna pay a nasken a dagiti annak dagiti pimmusay a front liners ket maipaayanda iti tuition wenno allowance iti pagadalan dagitoy.
