Impakaammo ti Philippine Embassy sadiay Jakarta nga awan ti naapektaran a Pilipino iti protesta sadiay Indonesia.
Maipalagip nga agtultuloy ti protesta kadagiti dadakkel a siudad sadiay, kas iti Jakarta Capital.
Nangrugi ti protesta kalpasan a nakapungtot dagiti tattao gapu iti nangina a costs of living bayat a dakkel ti maal-ala dagiti mammanday linteg.
Sumagmamano a pasdek ti gobierno ti napuoran, agraman dagiti regional parliament offices.
Malaksid iti dayta, sumagmamano a pasdek sadiay Makassar ti nauram a nakatayan ti tallo a tattao.
Kabayatanna, nasamsam ken nauram ti balay ti Gobernador state building sadiay Surabaya.
Sigun kadagiti maseknan nga otoridad, uppat nga indibidual ti pimmusay iti nagsina nga insidente.
Iti baet dayta, impanamnama dagiti Philippine officials sadiay Jakarta nga awan ti Pilipino a nadangran kabayatan ti protesta.
Binalakadan met ti Embassy and Consulate General dagiti Pilipino community nga agannad, liklikan dagiti lugar a pagprotestaan, ken agtalinaed a kanayon nga updated iti damag babaen iti social media page ken Assistance-to-Nationals (ATN) numbers.
