Kinumpirmar ti Office of the Ombudsman nga adda paylaeng ti 28 a testigo kontra kenni sigud a House speaker Martin Romualdez.
Daytoy ket iti baet a nagsanud ni sigud a security aide Orly Guteza ken uppat a sigud a body-guard ni Zaldy Co.
Sigun iti Ombudsman, “classic pressure tactic” ti panagsanud dagiti sumagmamano a testigo ken saan a baru iti high-profile cases.
Inyunay-unay ti ahensiya a saan nga agrikus ti imbestigasyon babaen iti maysa wenno sumagmamano laeng a saksi.
Gapu iti dayta, inkari ti Ombudsman nga ituloyda ti imbestigasyon iti baet ti panagsanud ni Gutiza ken dadduma pay.
Kabayatanna, nagballaag ti ahensiya nga asinoman a makaitured a manglapped, wenno mangsinga iti proseso ti ombudsman ket sumango iti naan-anay ken umno a pannusa.
