Agarup 100 a naduma-duma nga assistive device kas iti canes, stretchers, wheelchairs ken dadduma pay ti naiwaras kadagiti agarup sangagasut a senior citizens ken barangay iti siudad ti Baguio idi Brgy Irisan, Baguio city idi kalman.
Sigun kenni Paolo Delacruz Executive Director ti Baguio Community Cares (Community Assitance for Reliable and Equitablr Services) Mobile Clinic dagiti naiwaras 72 a canes, 40 a wheelchairs ken dadduma pay nga assistive devices ket umuna paylaeng a batch.
Innayunna a kadawyan a nagbalin a benipisyaryo dagitoy ket dagiti bedridden nga addaan ti sakit nga agkasapulan kadagitoy.
Malaksid iti dayta, sumagmamano a Barangay ti naipaayan metlaeng ti assistive device.
Impeksani Delacruz a dagiti benipisyaryo ket in-access, pinili, inrecommend wenno incoordinate ti Barangay.
Guyguyuguyen met daytoy ti publiko, nangruna kadagiti agkasapulan ti tulong a mabalin nga agrequest dagitoy iti nasao a programa.
Inlawlawagna a saan laeng a daytoy ti programada no diket adda metlaeng ti educational assistance, ken dadduma pay.
Iti sabali a bangir, agyamyam met ditoy ni Bren Imbalat manipud iti Loakan Apugan, Baguio City kas maysa nga anak a mang-ay-aywan iti nagannakna nga agdidialysis gaputa dakkel ti tulong daytoy kadakuada nangruna ti mobilization.//Bombo Noveh Organo
