BAGUIO CITY – Manamnama a makipaset dagiti exhibitors manipid iti Region I ken II iti maikapito a selebrasyon ti Mangan Taku iti Rose Garden, Burnham park manipud April 23 agingga 27.
Ti Mangan Taku ket maysa a selebrasyon a mangipakpakita iti Cordilleran culinary heritage nga addaan tema a “Preserving Traditions, Sustaining Flavors”.
Sigun kenni DOT-CAR Regional Director Jovita Ganongan, ti panaka-iraman ti exhibitors manipod region 1 ken region 2 ket paset ti napalawa a sakop ti North Luzon Food Landscape.
Kabayatanna, dumanon iti 46 nga exhibitors ti manamnama a makipaset ita a tawen, nangatngato no idilig iti 37 nga exhibitors idi napalabas a tawen.
Dagiti exhibitors ket agtaod kadagiti nadumaduma a probinsya ti rehion Cordillera, slow food communities ti rehion ken partner agencies manipud iti DA-CAR, DTI-CAR, TESDA CAR, region 1 ken region 2.
Tunggal probinsiya ket addaan iti tallo nga exhibitors.
Maipakita ditoy ti nadumaduma a traditional food preservation methods kas iti fermentation, smoking ken curing practices.
Malaksid iti dayta, maiparang metlaeng ditoy ti importansya ti cultural continuity, food security ken sustainability culinary tourism.
Ti lima nga aldaw a fair ket mangidiaya ti degustation experience, cultural performances, chef demonstrations ken dadduma pay.
Malaksid iti dayta, maangay metlaeng ti Mangan taku cookfest a pasetan dagiti sangapulo nga entries iti sidong ti Industry-Based Category (professional chefs ken culinary schools) bayat a walo met nga entries iti sidong ti community-based category.
Maguyguyugoy ti publiko a makipaset iti madumaduma nga aktibidades ken tapno maramanan ti nagduduma a delicacies a maidiaya sadiay.//Bombo Noveh Organo
