Pinasingkedan ti maysa a mammanday-linteg idi kalman a paneknekanda no dagiti nagan a “Chel Diokno” ken “Marian Rivera” a naipadamag a nagparang kadagiti dokumento a nainaig iti pannakaipaulog ti confidential funds ti Office of the Vice President ket mainaig kadagiti nalatak a personalidad nga addaan iti isu met laeng a nagan.
Sigun kenni House Assistant Majority Leader ken Lanao del Sur 1st District Rep. Zia Alonto Adiong, ti laeng Philippine Statistics Authority (PSA) ken National Bureau of Investigation (NBI) ti mabalin a mangkumpirmar nu dagiti nagan ket konektado kadagiti public figures a kas ni Atty Jose Manuel “Chel” Diokno, ken ti nalatak nga aktres a ni Marian Rivera.
Inlawlawag ti mammanday-linteg nga adu a resibo ti saan pay a nasukimat bayat ti imbestigasion ti House committee on good government and public accountability idi napalabas a tawen.
Kinuna ti nasao nga opisial nga adalenda paylaeng dagiti dokumento a naipadamag a nakailanadan ti nagan da Diokno ken Rivera.
Malaksid kadagiti nadakamat a nagan, dagiti nakaawat ti confidential funds manipod iti opisina ti Bise Presidente ket ti agnagan ti Mary Grace Piattos,” “Renan Piatos,” “Pia Piatos-Lim,” “Xiaome Ocho,” “Jay Kamote,” “Miggy Mango,” “Amoy Liu,” “Fernan Amuy,” ken “Joug De Asim” a natakuatan a non-existent.
