Mangnamnama dagiti nagannak dagiti Bar Examinees a makapasa dagitoy iti 2024 Bar Examinations.
Daytoy ket kagiddan ti maudi a panakaipatungpal ti nasao nga eksaminasyon ita nga aldaw.
Iti panakiuman ti Bombo Radyo kenni Armando Tamon, tatang ti maysa nga Examinee manipud Iloilo City, kinunana nga inkarigatanda a sumang-at iti siudad ti Baguio kas panangsuporta iti anakda a makipaset iti nasao nga eksaminasyon.
Makarikna met daytoy iti nerbiyos agsipud ta ti 2024 Bar Examinations ket saan a nalalaka nga eksam ken maysa kadagiti karigatan.
Nu pay kasta, kararagna nga amin kadagiti examinees ket makapasa gapu ta dakkel ti nagbalin a sakripisyo dagitoy.
Maipalagip a dumanon iti agarup sangaribo nga examinees ti nakipaset iti 2024 Bar Examinations iti intero a pagilian nu sadino ti maysa a testing center ket ti Saint Luis University iti siudad ti Baguio.
