Inyebkas dagiti nagduduma a child rights advocates ti suportada iti kiddaw ni Health Secretary Teodoro Herbosa a panangingato ti minimum age para kadagiti gumatgatang ti vape ken tabako.
Insingasing daytoy a dagiti agtawen laeng ti 25 ti mapalubosan nga agpurchase kadagiti nasao a produkto ken insingasing metlaeng ni Herbosa ti pannakaingato ti taxes dagiti amin a nicotine products.
Iti maysa nga statement nga impablaak ti Philippine Tobacco Control Coalition, inyebkasda ti suportada iti nasao nga ahensiya kadua ti maysa a balaag a ti panangusar ti vape ken maysa a public health threat kadagiti agtutubo iti pagilian.
Impetteng pay ti nasao a grupo a saan kuma nga ikonsidera dagiti agtutubo a nataltalged ti mangusar ti vape nu idilig iti traditional cigarettes.
Maipalagip nga immunan nga inyunayunay ni Health Secretry Herbosa ti strikto a panangiyemplementar kadagiti polisiya tapno maprotektaran dagiti agtutubo manipud iti peggad a mabalin nga itunda dagiti nocotine products. //BomboKCS
