BAGUIO CITY – Mapukawan iti suplay ti kuryente ti nagduduma a paset ti siudad ti Baguio ken probinsia ti Benguet manipud inton bigat, aldaw ti Lunes, Enero 13 aginggat inton Biernes, Enero 17.
Sigun iti BENECO, inton bigat, Enero 13 ket apektado iti power interruption ti Sebong ken Monglo iti ili ti Sablan ken ti Bomasgao ken Poblacion sadiay Tuba manipud alas nuebe ti agsapa aginggat alas singko ti malem.
Mapukawan met iti suplay ti kuryente inton Martes ti Daclan, Bokod; ken ti nagduduma a paset ti siudad ti Baguio kas iti Upper, Lower ken Middle Quary, City Camp Central, Assumption Road ken ti Purok 17 Irisan manipud manipud alas nuebe ti agsapa aginggat alas singko ti malem.
Inton Mierkoles, awan ti kuryente iti amin a paset ti Kapangan ken sadiay Kibungan malaksid laeng iti Tacadang ken apektado met laeng ti nagduduma a paset ti Tublay kas iti Ambassador, Caponga, Belong, Conocon, Dutaan, Baayan, Tuel, Batwag, Tublay Central ken Ambongdolan iti kapada met laeng nga oras.
Inton Enero 16, maapektaran iti power interruptions ti nagduduma a paset ti Baguio City kas iti San Carlos Heights, Dominican Hill, Dominican Extension, Lourdes Sub., Dominican Mirador, Queen of Peace; ti barangay Pico sadiay La Trinidad ken ti barangay Poblacion sadiay Itogon manipud alas nuebe ti agsapa aginggat alas singko ti malem.
Mapukawan met iti suplay ti kuryente inton Biernes, Enero 17 ti Lower ken Middle Quirino Hill, Gibraltar ken Minesview ditoy siudad ti Baguio ken ti barangay Shilan sadiay La Trinidad, Benguet.
