Impeksa dagiti doktor ni sigud nga Speaker Martin Romualdez iti Cardinal Santos Medical Center a delikado no maiyakar daytoy iti dadduma nga ospital gapu iti kasasaad ti salun-at daytoy.
Sigun iti cardiologist ti sigud nga speaker a ni Dr. Rody Sy, adda iti stable range ti puso ni Romualdez ngem fluctuating ti blood pressure daytoy.
Impeksa ni Sy a kasapulan a maimanihar iti innem a lawas ti stress ni Romualdez sakbay a maiyakar.
Sigun met kenni Neurologist Rogelio Libarres, dakkel ti posibilidad a makapasar iti stroke ni Romualdez agsipudta saan a makaturong.
Innayon ti nasao a doktor a nagdoble ti dosage ti sleeping pills nga ar-aramaten ti sigud nga speaker.
Mainaig iti dayta, kinuna ti Psychiatrist a ni Lourdes Igancio a makapaspasar ni Romualdez iti depresyon ken anxiousness a posible makaapektar iti puso ken otak daytoy.
Kabayatanna, imbilin ti Sandiganbayan Third Division kadagiti doktor iti Philipine General Hospital (PGH) nga igisubmitir dagitoy iti reports intun September 13, 2026.
Intun Lunes, Sepetember 14, itulod ni PGH Director Dr. Gerardo D. Legaspi ti assessment iti korte.
