Nangrugin idi kalman ti panakaangay dagiti nagduduma nga ay-ayam iti 2025 Benguet Provincial Athletic Meet kalpasan nga opisyal a naglukatdaytoy.
Sigun kenni Cesar Luma-ang, ti provincial sports coordinator iti Department of Education-Benguet, daduma kadagiti dagus a narugyan kalpasan ti parada ken opening ceremony ket ti swimming, track oval sports, swimming, football ken daduma pay.
Iti panakiuman iti Bombo Radyo kenni Luma-ang,imbinglayna a pakabuklan a 14 a delegasyon ti nakisalip pakairamann dagiti manipod iti Benguet State University (BSU).
Kinunana a ti La Trinidad ti addaan kadaklan a delegasyon, ti Tuba,Itogon ken ti Mankayan.
Karaman met kadagiti billeting areas ti La Trinidad Central School, Puguis Elementary School, Buyagan Elementary School, Regional Science School, Benguet National High School, ken ti Benguet Special Education Learning Center.
Kagiddan ti nasao a provincial sports competition,nasuspindir ti klase kadagiti pagadalan nga agserserbi kas billeting areas malaksid iti Benguet National High School.
Mainaig iti dayta, kinuna ni Luma-ang a kaspanagrigan agtudo,ikarigatanda nga ileppas dagiti ay-ayam gapu ta puntiryada a mairekep ti pasalip inton Biernes, December 5, 2025.
Inlawlawag ti nasao nga opisyal a kasapulan a saan mailaylayon daytoy gapu ta addaan laeng iti partikular a budget dagiti tunggal delegasyon.//Bombo Rob Dominguez
