BAGUIO CITY- Dumanonen iti pito ti nailista a nagpositibo iti Monkeypox iti siudad ti Baguio manipud Enero agingga Mayo iti agdama a tawen.
Iti interview iti Bombo Radyo kenni Dra. Cellia flor Brillantes, dadaulo ti City Health Services Office, kinunana a maur-uray paylaeng ita ti resulta ti dua pay a suspected cases ti nasao a sakit.
Sigun kenkuana, maiyakar daytoy babaen iti skin to skin contact.
Mabalin metlaeng a maiyakar babaen iti sexual contact.
Karaman kadagiti sentomas ti nasao a sakit ti skin rashes, fever ken dadduma pay.
Impetteng ni Dr. Brillantes a mapakaalarma ti nasao a bilang dagiti nagpositibo.
Gapu iti dayta, manarimaan a mangipatpatungal ti City Health Services Office iti social media information dissemination, contact tracing ken dadduma pay nga addang tapno maliklikan ti panagwaras ti Mpox iti siudad.//mp4
