BAGUIO CITY – Mapangpanggep ti nainginget a panakasanay dagiti kameng ti Bureau of Fire and Protection (BFP) iti fire suppresion ditoy rehion Cordillera.
Sigun kenni BFP-Cordillera Regional Director FFSupt. Roderick Esteban Ramirez, kasapulan a manayunan ti abilidad dagiti bombero iti forest fire suppression nangruna ditoy rehion Cordillera gapota ti kabambantatyan ti kangrunaan a mangbukbukel iti geology ti rehiyon.
Kinunana a saan a rumbeng a maiyaleng-aleng dagiti forest fire a mapaspasaran ditoy rehion Cordillera gapota mangituntunda daytoy iti economic loss.
Mamati daytoy a makatulong ti panakasanay dagiti BFP personnel iti forest fire suppression tapno maliklikan daytoy.
Innayona a kangrunaan pay a tutukanna tadta ti panakasanay dagiti Emergency Medical Technicians.
Kabayatana, inaklon pay ni Ramirez nga agkurkurang dagiti bombero ditoy rehion a dumanon laeng iti 987.
Nupay kasta, impanamnamana a maipaayda latta ti sebisyo kadagiti umili ti Cordillera.
