Guygoyugoyen ni Baguio City Mayor Benjamin Magalong ti publiko nga ituloy ti panangipadamag kadagiti iligal a konstruksion iti siudad ti Baguio tapno matulungan ti lokal a gobierno a mapagtalinaed ti kampania kontra iti squatting.
Sigun kenkuana, mabalin nga i-report dagiti iligal nga aktibidad iti konstruksion iti City Buildings and Architecture Office (CBAO), partikular iti Building Management Division at Investigation and Demolition Division, babaen kadagiti hotline number a kas ti 074-4422503 wenno 074-6198459.
Mabalin metlaeng nga asitgan ti Baguio City Police Office (BCPO) ken ti Public Order and Safety Division (POSD) para iti panangipadamag iti nasao nga aktibidad.
Sigun iti CBAO nga idadauloan ni City Building Official Arch. Johnny Degay ken Assistant Head Engr. Stephen Capuyan, agtultuloy ti panangisingasingda ti kampania babaen iti regular a panagsukimat kadagiti pasdek ken ti panangipatungpal kadagiti operasion iti siudad.
Maipalagip nga idi tawen 2025, nalapdan ti opisina ti 318 nga iligal a konstruksion ken na-demolish ti 15 nga iligal nga estruktura.
Iti kapada a panawen, nakaawat dagitoy iti innem a gasut a reklamo ken 201 kadagitoy ti narisut iti lebel ti opisina.
