Pangpanggepen ti siudad ti Baguio ti panangipaay iti livelihood assistance kadagiti babaket ken lalakay iti Botanical garden nga agpapapicture nga addaan iti kasukat a kwarta.
Iti panakiuman ti Bombo Radyo kenni Councilor Yuri Weygan, kinunana a namin adu a daras nga impawil ti City Environment and Parks Management Office nga agturong dagiti nasao senior citizens sadiay ngem agsubsubli latta dagitoy.
Gapu iti dayta, adalenda ti ordinansa nga anti-mendicancy law ken ti linteg seknan kadagiti ambulant vendors no karaman dagitoy iti nasao a linteg.
Sigun kenni Weygan a kas chairperson ti Committee on Tourism, isingsingasingna a nasken nga urnungen dagiti natataengan iti Botanical Garden tapno katungtongen a nasayaat dagitoy ngem iti kanito a saanda nga umannamong iti programa dagitoy a livelihood assistance possible a pannakabukel ti sabali pay nga ordinansa seknan kadagitoy.
Sigun kenkuana, ikagkagumaan dagitoy nga agbalin a humane kadagiti ordinansa ken resolutions iti siudad ti Bagiuo.
Gapu iti dayta, no saan latta a maki-cooperate dagiti nasao a natataengan ket possible nga agbalin nga strikto dagitoy iti panangimplementar kadagiti nasao nga ordinansa.//Bombo Noveh Organo
