l Nainget ita ti koordinasyon ken panagbantay dagiti kameng ti kapulisan ti munisipyo ti La Trinidad kadagiti pagadalan kas pro active measures tapnu mapagtalinaed ti seguridad kadagiti pagadalan.
Sigun kenni Pltcol Zacarias Caloy Dausen, Chief of Police ti La Trinidad Municipal Police Station , nakarekober dagitoy iti sumagmamano a deadly weapons, arak, vapes, ken moma manipud kadagiti studyante sadiay Lubas, La Trinidad, Benguet kabayatan iti insayangkatda nga OPLAN KAPKAP.
Kaaduan kadagiti nakumpiskada ket vapes ken moma. Sigun kenni Dausen, ‘alarming’ daytoy gapu ta nainget a maipawpawil ti panangitugot ti arak iti uneg ti pagadalan. Innayon daytoy a dumalan iti counseling dagiti ubbing a nakaalanda kadagiti maiparit a banag.
Kabayatanna, imbinglay ni Dausen nga adu metten dagiti pagadalan a nagkiddaw kadakuada iti tulong tapno tumulong iti panangtalinaed ti seguridad ken panagbantay kadagiti pagadalan. Kagiddan dayta, impeksana a nangideployen dagitoy ti kapulisan a tumulong iti panangkapkap kadagiti kagawaan dagiti estudyante sakbayda nga umuneg kadagiti pagadalan.
LOCAL: Maipalagip a nangipaulog ti Department of Education- Office of the Undersecretary for Governance and Operations ti maysa a Memorandum weno ti OM-OUOPS- 2026-01-02211 no sadino nabilin dagiti Regional Directors, School Division Superintendents, ken dadduma pay a concerned officials ti public elementary ken secondary schools a mangipatungpal dagitoy iti security audit para iti panangsigurado ti pannakaobserbar ti school safety ken security measures.
Ti Deped Schools Security Audit ket maysa nga addan no sadino maassess ti agdama nga status ti maysa a pagadalan babaen kadagiti security measures ken provisions a naipatungpal iti pagadalan kas iti pannakaikabit dagiti CCTV Cameras, kaadda ti security personnels, access control mechanisms, metal detectors ken dadduma pay a safety and security interventions. //Bombo Noveh
