Kidkiddawen ita ni Atty. Amadeo Degay, Animal Welfare Advocate iti lokal a gobyerno nga ingngetanda ti pannangiyemplementar ti Animal Welfare Act.
Daytoy ket kagiddan iti agtultuloy a repprt a maaw-awat ti nasao nga abogado nga adda dagiti restaurants wenno panganan nga agidiay-diaya ti karne ti aso.
Impetteng daytoy a ti lokal a gobyerno ti rumbeng a mangidaulo iti nainget nga implementasyon iti anyaman a related a linteg wenno ordinansa, saan a dagiti private sectors.
Innayunna pay nga adda ti mandato iti local government unit a mangi-impose iti Animal Welfare ken anyaman a related law ken support system laeng kuma dagiti pribado a sektor.
Mainaig iti dayta, kinuna daytoy a nasken a maipataw amin a kasapulan a maipataw a pananglabsing iti restaurant a mangidiay-diaya ti karne ti aso ken saan laeng a ti pannakasuspindir dagiti business permits dagitoy ti pannusada.
Kiniddaw pay daytoy nga maikat kuma ti perception ti tattao a ti La Trinidad ken Baguio City ket Dog meat capital of the Philippines.
Nagballaag daytoy kadagit restaurants nga isardengdan ti mangidiaya kadagiti karne ti aso.
Impettengna a nadagsen ti pannusa ti maysa a restaurant a matiliwan a mangidiaydiaya ti karne ti aso.
Maipalagip nga idi Hunyo 3, nangipila ni Atty. Degay ti uppat a nagduduma a kaso kontra iti maysa a panganan kalpasan a napaneknekanna a mangidiaydiaya dagitoy iti karne ti aso.//Bombo Noveh Organo
