--Ads--
Impudno ni Health Secretary Ted Herbosa a saanna nga ammo nu nakaaramatan ti nabatbati iti P89.9 billion a pondo iti PhilHealth a nairemit iti national treasury idi napan a tawen.
Daytoy ket kagiddan ti panagsaludsod ni Representative Chel Diokno nu apay a saan a sapasap a naaramat ti nasao a pondo para kadagiti health programs kabayatan ti naangay a briefing iti House Committee on Appropriations.
Sigun kenni Herbosa, nailatang ti ₱30 billion para iti panakarisut ti arrears iti health emergency allowance ngem dagiti nabatbati pay ket saannan ammo ti nakailatanganna.
Nupay kasta,inlawlawagna a ti Department of Finance ti makin-ammo nu nagturungan dagiti nadakamat a pondo wenno ti ₱60 a nabatbati a nairemit iti national treasury idi laeng 2024.
