Impakaammo ni Ombudsman Jesus Crispin Remulla a nakaro metlaeng ti korapsyon a mapaspasamak iti branch ti gobyerno a judiciary.
Ti statement ni Remulla ket mainaig iti ₱723-million fertilizer fund scam nu sadino, in-acquit ti Sandiganbayan ni sigud a Department of Agriculture Undersecretary Jocelyn “Joc-joc” Bolante iti kaso a plunder.
Malaksid iti dayta, dinakamat pay ni Remulla ti maipapan iti kaso ti Priority Development Assistance Fund (PDAF) nu sadino, daduma kadagiti naakusaran nga adda pakainaiganna iti daytoy ket naabswelto iti kaso a 15 counts iti graft kas ken daydi sigud a Senator Juan Ponce Enrile,ti sigud a chief of staff daytoy a ni Jessica Lucila “Gigi” Reyes, ken ti nakabalud paylaeng ita a ni Janet Lim-Napoles.
Sigun kenni Ombudsman Remulla, adda dagiti abogado a mangim-impluwensya kadagiti desisyon iti gobyerno.
Kabayatanna, saan met a kinanunungan ni Integrated Bar of the Philippines (IBP)National President Atty. Allan Panolong ti akusasyon ni Ombudsman Remulla a nakaro ti korapsyon iti judiciary ngem bigbigbigenna a mapaspasamak daytoy rason nga inlawlawagna a nangbukel ti Korte Suprema iti judiciary integrity board tapno maator dagiti nasao nga aramid.
Impetteng ni Panolong nga ad-adu dagiti ethical judges ngem dagiti maak-akusaran nga adda pakainaiganna iti korapsyon.
