Nangipataw ni US President Donald Trump iti nangatngato a taripa kadagiti kangrunaan a trading partner ti Estados Unidos a Canada, Mexico ken China.
Daytoy ti impakaamo ti White House.
Dagiti Canadian ken Mexican exports ket maipaayan iti 25% a taripa ngem dagiti energy resources manipud Canada ket nababa ti taripa a maipaay.
Iti sabali a bangir, dagiti banag nga agtaud sadiay China ket manayunan iti kanayunan a 10% a taripa.
Panggep ti panakaipangato ti taripa kadagiti tallo a pagilian nga isardeng ti iligal immigration kasta met ti panakatransport dagiti iligal a droga.
Kabayatanna, manamnama met ti panakaipaay iti nangatngato a taripa kadagiti Europian Union.
Sigun kenni Trump, kasapulan a protektaranna dagiti Amerikano kas responsibilidadna a presidente a masigurado ti kinatalged dagitoy.
