Inyunay-unay ni Department of Interior and Local Government Secretary Jonvic Remulla a paset ti trabahoda a salakniban ni Vice President Sara Duterte.
Daytoy ket kasaruno ti kinuna ni Duterte a saanna a talken ti korte, ni Remulla ken dagiti pulis nga agtumtumpal iti pammilin ti agdama nga administrasyon.
Sinungbatan daytoy ni Remulla ken kinunana nga awan ti rason tapno agdanag ni Duterte.
Inyunay-unayna a ti panagtalek ket magun-ud no sadino, dumteng to ti aldaw a maamuan ni Duterte nga awan ti panggepda a dangran daytoy.
Kabayatanna, kinuna ni Remulla nga iruarna ti body cam footage kabayatan ti panagpiyansa ni Duterte tapno maipakita iti publiko nga intrato ti PNP ti bise presidente nga addaan iti respeto.
Innayun pay ni Remulla a dagiti tattao iti aglawlaw ni Duterte ti rumbeng a bantayan ti bise presidente agsipudta dagitoy ti nangipaay iti lokasyonna idi naipaulog ti warrant of arrest.
Daytoy ti kinuna ni Remulla kalpasan ti statement daytoy nga ammuda ti lokasyon ni Duterte idi biernes ngem saanda nga impilit nga inserbi ti warrant of arrest.
