Balligi a nabigbig iti maysa a violator ti King of the Road Ordinance ti siudad ti Baguio aramat ti Baguio City Smart and Safe City Command Center (SC3) babaen iti command center’s artificial intelligence (AI) capability ken CCTV monitoring system.
Sigun iti report ti Baguio City Police Office Traffic Enforcement Unit iti lokal a gobyerno ti siudad, napasamak ti insidente a nakairamanan ti maysa a gray Toyota Innova no sadino natiliwan daytoy a nanglabsing iti traffic rule idiay pedestrian lane iti paset ti Yandoc Street, alas-11:30 ti agsapa idi Mayo 23.
Nupay naala a nalawag ti langa ken kulay ti nasao a lugan iti CCTV footage, immunan nga impakaammo dagiti imbestigador a narigatan dagitoy a mangkita iti plate number daytoy gapu iti init.
Nupay kasta, nabigbigda metlaeng daytoy babaen kadagiti kanayunan a CCTV footages manipud kadagiti asideg a pasdek, a dagos met a bineripikar ti Command Center investigation team.
Aramat ti AI-assisted monitoring ti siudad, nabigbig dagiti otoridad ti nagturturongan ti nasao a lugan ken ti makinkukua daytoy,
Sigun iti rekord dagiti otoridad, nagturong iti siudad ti Baguio ti nasao a lugan alas-11:22 ti agsapa ken inmikat iti siudad iti alas-3:40 iti isu metlaeng nga aldaw.
Kinumpirmar met dagiti otoridad a nga awanen ti nairekord da a re-entry ti nasao a lugan.
Sigun kadagiti otoridad, residente ti Bauang, La Union ti drayber ti nasao a lugan.
Dagos met a naimpormaran daytoy iti pananglabsingna iti traffic rules no sadino binigbigna met ti inaramidna. //bombokaren.c.sapirao
