Manarimaan ti panagsapul ita nga aldaw dagiti German police ti nangpapatay kadagiti tallo nga aldaw indibidual ken nangdangran kadagiti dadduma pay iti napasamak a panagbagsil iti piesta iti makinlaud a siudad ti Solingen.
Walo ti nadangran ken lima kadagitoy ti seryoso ti pannakadangranda.
Nangatngato daytoy ngem ti uppat nga indibidual a nadangran nga immunan a naireport dagiti otoridad.
Maibasar iti imbestigasion, immatake ti lalaki iti oras ti alas neube kuwarente idi kalman ken binagbagsolna dagiti indibidual babaen ti kutsilyo.
Gapu iti napasamak, pangpanggepen ti lokal a gobierno sadiay ti nainget a pagannurutan seknan iti panagimet ti kutsilyo.
Maipalagip nga idi Hunio, pimmusay ti baente nuebe anyos a pulis kalpasan a nabagbagsol daytoy idiay Mannheim bayat a sumagmamano nga indibidual ti nadangran met idi 2021 gapu metlaeng ti panagbagbagsol.
Kabayatanna, ti panagatake ket kagiddan ti piesta iti maika-innem a gasut ken lima pulo nga anibersario ti Solingen idiay North Rhine-Westphalia, ti state nga kaaduan ti tao idiay Germany.
