Dagus nga imbilin ni Philippine National Police (PNP) Chief PGen. Jose Melencio Nartatez Jr. ti dagus a pannakaisayangkat ti imbestigasyon tapno maarestar dagiti suspek iti ipupusay dagiti lima a pulis sadiay Maguindanao del Sur idi Sabado, Marso 28, 2026.
Sigun iti hepe, nainget a konkondinarenda ti napasamak a pannaka-ambush dagiti kameng ti pulisya.
Innayon daytoy a ti nasapasamak nga insidente ket ibilbilangda kas panangraut iti pakabuklan nga ahensya ti pulisya iti pagilian.
Kabayatanna, inyunay-unay ni PGen. Nartatez Jr. a saan nga agsardeng ti pulisya iti panangsapol kadagiti suspek ken inkarina nga ikaro dagiti suspek ti inaramid dagitoy.
Maipalagip a pimmusay ti lima a kameng ti Provincial Mobile Force Company ti Shariff Aguak, kalpasan a na-ambush dagitoy sadiay Barangay Mother Poblacion, Shariff Aguak, Maguindanao del Sur pasado 9:00 p.m idi kalman.
Dagiti biktima ket paset ti 2nd Provincial Mobile Force Company ti Maguindanao del Sur.