--Ads--
Manarimaan ti imbestigasyon iti napasamak nga uram sadiay Lot 4 Block 6 BPI Baguio Home Owners Association Cresencia Village, Baguio City ita nga aldaw.
Iti pannakiuman ti Bombo Radyo kenni FO2 Clint Dominick Labon, kinunana a naiyawag ti nasao nga uram kadakuada iti oras ti 4:57 iti malem ken dagus a nakadanun dagitoy iti 5:01 pm itay metlaeng.
Ti nasao nga uram ket nakairamanan ti maysa a balay no sadino nangrugi ti uram iti rooftop dagitoy.
Naideklara ti fire out iti nasao nga uram itay metlaeng 5:15 pm ita nga aldaw.
Iti agdama, agtaltalinaed dagiti bumalay iti nasao a pagtaengan gaputa saan met a nauram ti umuna ken maikadua a kadsaaran ti pagtaengan dagitoy.
