BAGUIO CITY – Kiniddaw manen ti ama ti siudad ti Baguio ti panangsuporta dagiti amin nga empleyado ken opisyales ti lokal a gobierno iti nagduduma a programa ti siudad ita tawen.
Iti panagbitla ni Mayor Mauricio Domogan iti flag ceremony iti City Hall idi kalman, impeksana a babaen iti nasao a panagsuporta dagiti personnel ti lokal a gobyerno ket mapasayaatda pay ti panagtrabahoda ken ti panagserbida iti publiko.
Inyapelana met ti pananglagip dagiti empleyado ken opisyales kadagiti a bendisyon a naawatda manipud iti Namarsua ken ti panangipaayda iti pammakawan kadagiti nagaramid iti dakes kadagitoy.
Innayonna pay a babaen iti daytoy ket mapagtalinaed ti napintas a linnangenda ken awan ti kagurada ita a tawen babaen.
Kabayatanna, nagserbi nga sponsor iti flag ceremony ti City Assessor’s Office ngem awan ti naipaay dagitoy a report kadagiti naaramidanda iti napalabas a tawen.
Malaksid iti daytoy ket uppat laeng kadagiti konsehal ti siudad ti dimmar-ay iti umuna a flag raising ceremony ti lokal a gobyerno ti Baguio City ita a tawen, partikular da Councilors Edgar Avila, Maria Mylen Victoria Yaranon, Lilia Fariñas ken Benny Bomogao.
