Binabalaw ni NAPOLCOM Commissioner Ralph Calinisan ti maysa a kaso ti kinaranggas.
Daytoy ket maipanggep iti agwarwaras a CCTV footageno sadino makita ti panangdangran ti lalaki iti maysa a babae iti uneg ti pagtaengan dagitoy.
Iti nasao a video, makita dagiti dua a mapapati nga agkarelasyon nga agap-apa a nangtunda iti panagdinnangran dagitoy. Nupay kasta, makita ti panangbugbog ti lalaki nga immunan a kinumpirmar ti Malolos City Police Station a maysa a pulis iti nasao a babae.
Iti pablaak ni nasao nga ahensiya, patien ni Commissioner Calinisan, rumbeng laeng a pilaan ti Philippine National Plolice (PNP) ti kaso ti nasao a suspek.
Innayonna a saanda nga ipalubos ti anyaman a kinaranggas kontra kadagiti babbai weno asinoman nga indibidual.
Impakaammo na pay iti biktima a nakalukat ti opisina ti NAPOLCOM para kenkuana. Sigun kenkuana, binilinnan ti NAPOLCOM Regional Office tapno sarakenda ti biktima tapno maconsolidate da daytoy.
Inkarina met a maipaay ti hustisya kenkuana iti kabiitan a panawen. //bombokaren.c.s
