BAGUIO CITY – Imbinsa ni Rev. Fr. Emmanuel Panayo, Director of Social Action of the Diocese of Baguio ken member iti Parish Pastoral Council for Responsible Voting (PPCRV) a naobserbaranna ti rimmugit a wagas ti panagkampanya dagiti kandidato ita a tawen nu idilig kadagiti napalpalabas.
Sigun ken Rev. Panayo, nagduduma a kita ti vote buying iti maobserbaran kabayatan iti panagkampanya dagiti kandidato kas iti panangpaayda iti tugawan a nakasuratan ti nagan dagitoy.
Innayonna a karaman kadagiti ipapaay dagiti kandidato ti parachute, cooking utensils, ken dadduma pay.
Iti met benneg iti panangiwaras dagiti kandidato iti kuarta, kinunana nga awan pay iti nakupirmar iti baet nga addu dagiti maidandanun kenkuana mainaig iti daytoy.
Kinunana nga apaman a mapaneknekan nga adda iti vote buying ket kinidaw na iti publiko nga agalada iti video wenno ladawan tapnu maidanon iti Commision on Elections (COMELEC) para iti pannakaipatungpal ti kaskenan nga aksyon.
Mainaig iti daytoy, binalakadan ni Reverend Father Panayo ti publiko a bantayanda nga umno iti botosda gaputa sagrado daytoy.
