![](https://img.bomboradyo.com/baguio/2021/04/1.jpg)
BAGUIO CITY – Dumanon iti nasurok 100 a riders a miyembro ti Full Spectrum Riders Association of the Philippines (FSRAP) Kalinga Chapter ti nagsapata nga agserbi dagitoy kas Guardians/Volunteer Force Multiplier sadiay Kalinga Astrodome.
Mandato ti nasao a grupo ti panangsuporta iti Highway Patrol Group (HPG) tapnu masigurado ti seguridad dagiti kalkalsada iti probinsia ti Kalinga.
Inlawlawag ni Moises Baisa Jr., dadaulo ti FSRAP-Kalinga a dagiti nasao a riders ket akkemda ti panakaisayangkat ti information dissemination ken education campaign kadagiti motorista a dumaldalyasat iti kalsada.
Inayon ni PMaj. Robert Dumallay ti Kalinga Highway Patrol Group (HPG) a kabinadangda ti grupo nga agresponde kadagiti insidente a mapasamak iti kalkalsada.
Kabayatanna, nagyaman ni Tabuk City Mayor Darwin Estranero iti panagsapata dagiti baro a miyembro iti nasao nga asosasyon nangruna ta kasapulanda ti kabinnadang iti rescue operations kadagiti kalkalsada.